Aprubado na ang dagdag-sahod ng mga manggagawa sa CALABARZON. Sa ilalim ng Wage Order IVA-21, magkakaroon ng ₱21-₱75 umento sa sahod na ipatutupad ngayong Setyembre 30, 2024 at Abril 1, 2025.
Maglalaro na sa ₱450-₱560 ang minimum wage rate para sa non-agriculture sector. Ang sektor ng agrikultura ay makatatanggap ng ₱425-₱500, at ₱425 naman para sa Retail at Service sector.
“Both adjustments were reached through consensus and unanimously approved by the government, labor and employer representatives in both RTWPBS, and have likewise been unanimously affirmed by the National Wages and Productivity Commission,” pahayag ng Department of Labor and Employment.
Matatandaang nauna nang nagpatupad ang dagdag sahod sa National Capital Region noong Hulyo 17.
“Dahil po sa ating patuloy na pagkakaisa, nagagawa po nating posible ang mga hakbang nating ito na direktang mapakikinabangan ng ating mga kababayan. Patunay po ito ng ating malinaw na intensyon na ang hangad lamang ay maisulong ang mga karapatan ng mga manggagawang Caviteño at Pilipino para sa mas mataas na antas ng pamumuhay tungo sa isang Bagong Pilipinas,” saad naman ni 1st District Representative Jolo Revilla.
