Muling pinatunayan ni “Golden Boy” Carlos Edriel Yulo ang kanyang tikas at liksi matapos umiskor ng 14.833 puntos sa men’s floor exercise sa ginanap na 15th FIG Artistic Gynmnastics World Cup sa Doha, Qatar noong Marso 3.
Photos via FIG /Twitter
Pinabilib ni Yulo ang mga manunuod sa kanyang makapigil-hiningang triple full side pass, at closed with a 3.5 twist execution upang paburan ng judge at solohin ang gintong medalya ng torneyo.
Nanatili sa ikalwang pwesto ang two-time floor exercise gold medalist Kazuki Minami ng Japan sa iskor na 14.200 at nasa ikatlong pwesto naman si Luke Whitehouse ng Germany na may 13.966 kartada.
Matatandaang hindi nakapasok sa championship round si Yulo sa floor exercise event at tanging ang parallel bars lamang ang kanyang nakuha nang manatili sa ikatlong pwesto na may 15.166 puntos sa 2023 World Appratus Cup sa Cottbus Germany noong nakaraang linggo.
Aabante rin si Yulo sa championship round ng vault at parallel bars events.
