Nanumpa bilang mga bagong miyembro ng partidong LAKAS sina Kawit Mayor Angelo Aguinaldo at Rosario Mayor Voltaire Ricafrente kasama ang kanilang buong konseho noong Mayo 29.
Pinasinayaan ang naturang panunumpa ni Cong. Martin Romualde, na siyang National President ng kasapian, kasama sina Cong. Mikee Arroyo at Cong. Sharky Palma.
Kasama sa pagtitipon sina Bacoor City Mayor Lani Revilla maging ang kanyang asawang si Senator Ramon Revilla Jr., ang kasalukuyang National Chairperson ng LAKAS.
Kabilang din sa mga nanumpa ang panganay na anak ng mag-asawang Revilla na si Bryan Revilla.
“Mula sa araw na ito ating pagtutulungan ang pagpapalakas at pagpapalawak ng ating kasapian sa lalawigan. Tangan ang prinsipyo at adhikain ng LAKAS, ating tutuparin ang ating tungkulin sa ating mga kababayan bilang mga lingkod bayan,” pahayag ng alcalde ng Bacoor City sa kanyang Facebook Post.
Dagdag pa niya, napatunayan na umano sa kasaysayan na ang LAKAS ay partidong pinatatakbo ng matatag at nagkakaisang pamunuan. Hamon umano sa kanila na maisakatuparan ang mga plano at proyekto ng kanilang partido sa lalawigan ng Cavite
