Patuloy na namimigay ng negosyo package si Noveleta Mayor Dino Chua sa mga residente ng bayan sa gitna ng pandemya.
Ang proyektong ito ay sa ilalim ng Department of Trade and Industry (DTI) Tulong Puhunan program na naglalayong magbigay ng negosyo package sa mga sari-sari stores, fishball vendors at carinderia owners sa Noveleta.
“Malaking tulong po ito para makabangon sila ngayon panahon ng pandemya! Tuloy-tuloy ang Unlad Noveleta! Makakabangon din po tayo,” ani Chua sa kanyang Facebook post.
Bukod sa mga negosyo package, namigay din ang alkalde ng libreng grocery packs sa mga residente.
Sa tulong ng mga baranggay officials, walang patid ding nagdadala ang lokal na pamahalaan ng Noveleta ng pagkain at grocery packs para sa pasyenteng naka-quarantine.
“Maraming salamat po sa ating Barangay Frontliners na laging handang makipaglaban sa hamon ng pandemiya! Saludo po kami sa inyong kabayanihan,” dagdag pa ng alkalde.
