Voter’s registration muling bubuksan ng COMELEC sa Agosto 1-10
Muling bubuksan ng COMELEC ang voter registration mula Agosto 1 hanggang 10, kasama ang pagtanggap ng aplikasyon para sa bagong rehistrasyon, pagwawasto, at updating ng records ng iba't ibang sektor. Magbubukas ang mga tanggapan mula 8 AM hanggang 5 PM, Lunes hanggang Linggo, at isasagawa rin ang Register Anywhere Program sa NCR, Region III, at Region IV-A. Inaasahan ng COMELEC na mahigit isang milyong bagong botante ang magpaparehistro.
Online Renewal ng Driver’s license posible na
Inilunsad ng LTO ang Online Driver’s License Renewal System sa eGovPH app upang mapabilis at mapagaan ang pag-renew ng lisensya. Ayon kay LTO Chief Atty. Vigor Mendoza II, maiiwasan na ang personal na pagpunta sa LTO, at ang e-license na lalabas sa app ay may kaparehong bisa ng pisikal na card. Bahagi ito ng direktiba ni Pangulong Marcos Jr. para sa mas episyenteng serbisyo ng gobyerno.
Romualdez naghain ng panukala para sa cash-based budget system
Ipinagpapatuloy ni House Speaker Martin Romualdez ang pagtulak sa House Bill No. 11, o ang Budget Modernization Act. Layunin nitong magpatupad ng cash-based budgeting system sa lahat ng ahensya ng gobyerno. Ang panukala ay magpapahintulot lamang ng pagpopondo sa mga proyektong matatapos sa loob ng isang fiscal year, upang masiguro ang mabilis na serbisyo, epektibong paggasta, at transparency sa paggamit ng pondo ng bayan, kabilang ang paggamit ng digital financial at monitoring systems.
Panukala para sa P50,000 minimum na sahod ng mga public school teacher, muling inihain sa Kamara
Muling isinusulong sa Kamara ang House Bill 203 na magtataas sa P50,000 ang minimum na sahod ng mga pampublikong guro. Iginiit nina Rep. Antonio Tinio at Rep. Renee Co na kulang ang kasalukuyang suweldo ng mga guro, at naniniwala silang ang pagtaas na ito ay magpapabuti sa kanilang kalagayan at sa kalidad ng edukasyon sa bansa.
Tatay Cardong Trumpo ng Cavite, Grand winner sa PGT Season 7
Si Tatay Cardong Trumpo, isang 55-anyos na construction worker mula Dasmariñas, Cavite, ang itinanghal na Grand Winner ng Pilipinas Got Talent Season 7. Nakamit niya ang ₱2 milyon matapos makakuha ng 99.5% ng boto para sa kanyang kakaibang trumpo tricks. Naantig ang publiko sa kanyang kwento at talento, na umabot sa mahigit 22 milyong views ang kanyang audition video.
DOH, suportado ang 30 KPH speed limit sa mga lungsod para iwas aksidente
Suportado ng DOH ang pagpapatupad ng 30 kph speed limit sa mga urban road upang mabawasan ang aksidente sa kalsada, na pangunahing sanhi ng pagkamatay ng mga kabataang Pilipino. Binanggit ni Secretary Teodoro Herbosa na epektibo ito sa ibang bansa at sa Commonwealth Avenue, at iginiit na 70% ng aksidente ay sangkot ang motorsiklo. Ang aksidente sa kalsada ay ikalima na sa pangunahing sanhi ng kamatayan sa Pilipinas.
MPOX Cases sa Davao City, lumilitaw na konektado sa HIV
Inihayag ng SPMC sa Davao City na 11 sa 14 na kaso ng Mpox sa kanilang ospital ay positibo rin sa HIV, posibleng dahil sa high-risk sexual behavior. Ipinaliwanag na ang Mpox ay naihahawa sa pamamagitan ng skin-to-skin contact at intimate contact. Hinihikayat ng SPMC ang agarang pagkonsulta kapag nakaranas ng sintomas. Samantala, tumaas ng 500% ang kaso ng HIV sa Pilipinas, na may 57 bagong kaso kada araw.
Corregidor tour via Cavite City Unlad pier, sinimulan na
Opisyal nang inilunsad ng Cavite City Tourism Office ang group tour sa Corregidor Island mula sa Unlad Pier, na inaasahang magpapalakas sa turismo at ekonomiya ng Cavite City. Pinangunahan ito nina Mayor Denver Chua, Cong. Jolo Revilla, at Vice Mayor Raleigh Rusit, na naniniwalang malaking hakbang ito para muling makilala ang lungsod bilang world-class destination.
P200 umento sa sahod, inaprubahan ng Kamara
Inaprubahan na ng Mababang Kapulungan ng Kongreso sa ikatlo at pinal na pagbasa ang House Bill No. 11376…
Pilipinas nangunguna sa mundo sa mabilis na pagtaas ng kaso ng HIV ayon sa DOH
Kinumpirma ng DOH na ang Pilipinas ang may pinakamabilis na pagtaas ng kaso ng HIV sa mundo, na may 57 bagong kaso araw-araw, karamihan ay mga kabataan. Dahil dito, inirekomenda ng DOH na ideklara ang HIV bilang national public health emergency. Gayunpaman, nilinaw ng ahensiya na may available na lunas sa pamamagitan ng ART kung maaagapan, at hinihikayat ang publiko na magpasuri at magkaroon ng tamang kaalaman.