Inihain sa Kamara ng Makabayan bloc ang panukalang P750 across-the-board na sweldo sa mga manggagawa ng pribadong sektor sa buong bansa.
Inihain ng Makabayan bloc ang House Bill 7568 o P750 Across-the-Board Nationwide Daily Wage Increase Act. Photo via Kabataan partylist / Facebook
Kabilang sa mga naghain ng panukala ay sina Gabriela partylist Rep. Arlene Brosas, Alliance of Concerned Teachers (ACT) partylist Rep. France Castro, at Kabataan partylist Rep. Raoul Manuel.
Batay sa House Bill 7568, layunin nitong punan ang kasalukyang minimum wage sa Metro Manila na P570 at mas mababa pa sa ibang rehiyon sa cost living ng mga empleyado.
“This wage increase prescribed in this Act shall apply to all workers and employees in the private sector, whether agricultural or non-agricultural, plantation-based or non-plantation-based, including those employed in Special Economic Zones (SEZs) and Freeport Zones, regardless of their position, designation or status, and irrespective of the method by which their wages are being paid,” ayon sa panukalang inihain ng Makabayan bloc.
Ayon pa sa koalisyon, ang nasabing across-the-board wage increase ay nararapat na ipatupad sa lahat ng rehiyon.
